من طرف موقع لوامع:
خبز التوست بطريقة ناجحة
طريقة تحضير خبز التوست
مقادير خبز التوست بالصور
نصف كيلو فورص +50غ زبدة مدابة +ملعقة كبيرة سكر + ملح + ملعقة كبيرة خميرة + حليب دافئ على حساب الدقيق
طريقة تحضير خبز التوست بالصور
كنجمعو كلشي بالحليب دافي وندلكوها مزيان لمدة 10 د ونخليوها تخمر 30 دقيقة
وكنطلقوها بالمدلك
وكنلويوها بحال الباكيط ونعملوها في قالب يكون مدهون بالزبدة ومرشوش بالطحين او مغلف بورق الالمينيوم تم ندهنوه بالزبدة
نحاولو نكرصوها باليد في القالب باش تجي متساوية
ونسدو عليها ونخليوها تخمر واحد الساعة او اقل راها غادا تبان ليك طلعات حتى الغلاقة ومن بعد ندخلوها الفران سخون ونقصو عليه ونخليوها طيب باش تعرفيها طابت تكيها بالقطيب الى خرج ناشف راها طابت
ومتزوليهاش من القالب حتى تبرد واحد 15 دقيقة على الاقل باش يرجع عليها الصهد ويجي فتية وملي تقطعيها قطعيها بموس منشار
ملاحضة : بالنسبة للغلاقة ديال القالب دهنيها من الداخل بالزبدة باش ملي تطلع العجين متلسقشي فيها
وكنقدمو خبز التوست
وبالصحة والراحة
Aucun commentaire:
Enregistrer un commentaire