من طرف موقع لوامع
مسمن معمر بطريقة السندوش
مسمن معمر لذيذ وصحي
مقادير وطريقة تحضير مسمن معمر
مقادير المسمن
نصف كيلو دقيق لفورص .قليل من خميرة الخبز. ملح ماء دافئ
مقادير الحشوة
بصلة مشلضةـ نصف كيلو صدر دجاج مقطع رقيق أو كفتة ـ 2 فلفلات مقطعين مكعبات صغيرة ـ 2 جزرات محكوكين ـ زيتون أخضر مقطع ـ ملعقة كبيرة قزبور و معدنوس ـ 100 غ فرماج محكوك ـ ملعقة كبيرة طماطم مركزة ـ كأس صغير روز مسلوق أو شعرية الصينية مرطبة ومقطعةـ زيت ـ زبدة ـ ضامة البنة ـ ملح ـ سكينجبيرـ التحميرة ـ فلفل أسود ـ شوية دلحرقوم بلدي
الطريقة:
كنعجنوا لعجينة و ندلكوها مزياااااان ونقطعوها كويرات صغيرة و كنخلوهم يرتاحو وفهاد لوقت ندوز نحضرو لحشوة
فمقلاة كنديرو لبصلة مع شوية زيت ونخلوهم يتشحرو ونزيدو صدر دجاج مقطع رقيق او كفتة
من بعد كنزيدو لجزرـ لفلفلةـ قزبور ومعدنوس ـزيتون ـ تم لعطرية نخلو الكل يطيب تم كنزيدو طماطم مركزة و روز مسلوق أو شعرية صينية نزولوها من فوق نار تم كنضيفو لفرماج محكوك نخلو لكل يبرد
نطلقو لكورة ديال لعجين وندهنوها بزبدة مدوبة مع شوية ديال زيت تم كنوضعو الحشوة في راس المسمنة المورقة تم نبداو الطي
ونطيبهم في مقلاة غليظة مع رشها بالزيت والزبدة
او ندهنهم بالزبدة وندخلوهم لفران
وبالصحة والراحة
Aucun commentaire:
Enregistrer un commentaire