السلام عليكم ورحمة الله تعالى وبركاته
موقع لوامع يقترح عليكم :
شلاضة سهلة وصحية بالعدس
شلاضة سهلة وصحية بالعدس
مقادير شلاضة بالعدس :
رابعة ديال لعدس
4 ثومات محكوكين
2 بصلات كبار مشلضين
حفنة ديال المعدنوس مشلضة
الملح + لبزار+ معلقة صغيرة ديال الكمون+ زيت الزيتون + الخل + الحامض مرقد ” مقطع على الطول “
طريقة تحضير شلاضة بالعدس :
نبيت لعدس فالما ليلة كاملة ” باش يتنفخ و يرطب بحال اللوبية “, نديرو يتسلق فكسرونة مع شوية ديال الملح ” خاص لعدس يطيب بلا ما يتعجن ” منين يتسلق نصفيه و نغسلو مزيان بالما بارد نديرو فاناء غارق و ندير فوق منو الثومات محكوكين+البصلات مشلضين + الملح+ لبزار+شوية ديال الكمون+زيت الزيتون+الخل أو الحامض معصر نخلط كلشي مزيان و ندير شلاضة تبرد فثلاجة, منين تبرد نقطع الحامض مرقد و نزوق به شلاضة
بالصحة و الراحة
Aucun commentaire:
Enregistrer un commentaire