السلام عليكم ورحمة الله وبركاته
موقع لوامع
يقدم : رغايف صغار مقليين ومعسليين وطريقة التحضير بالصور
رغايف صغار مقليين ومعسليين وطريقة التحضير بالصور
مقادير وطريقة تحضير رغايف صغار مقليين ومعسليين وطريقة التحضير بالصور
مقادير الرغائف
زلافة الدقيق
شوية ملح
معلقة كبيرة الزيت
ماء دافي للعجن
طريقة تحضير رغايف مقليين ومعسلين بالصور
كنخلطو الدقيق مع الزيت وشوية الملح ونعجنو بالماء الدافي ندلكوها مزيان حتى ترطاب نشكلو منها كرة ندهنوها بشوية الزيت نوضعوها في بلاطو نغطي عليها ببلاستيك ونخليوها ترتاح مزيان
من بعد نطلقوها حتى تولي رقيقة نحاولو متتقبش لينا العجينة باش يجيونا رغيفات منفوخين نطويها على 4 بحال لمسمنة وبين كل طوية وطوية نرشو الزيت
ونغطيو عليها مرة أخرى ونخليوها ترتاح باش دغيا تطلق لينا
من بعد نطلقوها ونقطعوها مربعات صغار بالجرارة كيفما واضح في الصورة
نقليهم في يزيت سخونة
ثم كنوضعوهم في صفاية يتسقطرو حتى نساليو
نطفيوهم في العسل الدافي نضيفو ليه شوية ماء الزهر
ثم نرشو فوقهم الزنجلان
و نقدمو الرغايف بالصحة والراحة
Aucun commentaire:
Enregistrer un commentaire