طريقة إعداد كيكة الجزر بالكريمة هشيشة ولذيذة بالصور

السلام عليكم ورحمة الله وبركاته

موقع لوامع يقدم : طريقة إعداد كيكة الجزر بالكريمة هشيشة ولذيذة بالصور

مقادير وطريقة إعداد كيكة الجزر بالكريمة هشيشة ولذيذة بالصور

مقادير كيك الجزر

2 جزرات محكوكات خاص الوزن ديالهم يكون 200 جرام

3 ديال البيضات

كأس(عنبة) ديال الدقيق

50 غرام ديال اللوز محمر ومطحون

كأس سنيدة 

كأس ما عامرش ديال الزيت يعني كأس إلا ربع

2 أكياس من خميرات كيماوية 

1 كيس من سكر الفاني

نص معلقة صغيرة ديال القرفة

نص معلقة صغيرة ديال سكين جبير

نص معلقة صغيرة ديال قع قلة

قبيصة ديال الملح

راس معلقة صغيرة ديال بيكاربونات الصودا ممكن الاستغناء عليها في حال متوفراتش

مقادير الكريمة

بكية وحدة فيلادلفيا ، و لي ما ملقتهاش ممكن تستعمل بيرلي 

معلقة ديال الحامض

4 معالق سنيدة

1 فاني

ملاحضة : لي ستعملات بيرلي كنضن كيكون حلو يعني ردو البال مع سنيدة هاد المقادير ستعملناهم مع فيلادلفيا لمتيكونش فيها السكار

طريقة إعداد كيكة الجزر بالكريمة بالصور

نطربو البيض و سنيدة مزيان

نضفو كاس ما عمرش ديال الزيت

من بعد نزيدو خيزو محكوك في الحكاكة الغليضة 

و كيس فاني

و لوز محمر و مطحون

ثم نخلطو الدقيق مع الخميرة الكيماوية و القرفة و سكين جبير و قع قلة 

و نضيفوه على الخليط 

ندهنو المول و نصبو الخليط و ندخلوه لفران مسخن على

درجة الحرارة 150 

مدة 55 دقيقة نشعلو في الأول غير تحت حتى تقرب تخرج عاد نشعلو لفوق حتى تحمر

ها هي من بعد ما خرجات من الفران نقلبوها باش نديرو عليها لكريمة

نخلطو 

مزيان 

كل مكونات الكريمة 

ثم نغطيو بيها الكيكة و ندخلوها الثلاجة ليلة كاملة باش تجي هشيشة اكثر 

ثم نزينوها باللوز ايفيلي

وهذا الشكل النهائي لكيكة الجزر بالكريمة