حلوة البهلة لذيذة وكذوب فالفم

اهلا بالحبايب

موقع لوامع يقترح عليكم 

حلوة البهلة سريعة وكذوب فالفم

حلوة البهلة لذيذة وهشيشة 

المقادير: 

1 كيلو دقيق 

رابعة السكر كلاصي 

رابعة الزبدة 

قبيصة الملح 

راس المعلقة مسكة حرة 

الزيت على حسب الخليط 

نصف رابعة جنجلان محمر 

نصف رابعة لوز مفسخ و مقلي و مهرمش 

3 خمارات الحلوة 

الطريقة: 

كنغربل الدقيق و السكر كلاصي فالقصعة كنزيدو شوية الملح و المسكة الحرة و الزبدة كنخلط بأطراف الأصابع و نفرك الزبدة مع خليط الدقيق و السكر حتى ندخلها فيه مزيان عاد كنبداو كنزيد الزيت و أنا كنخلط و ما نكترش غير القياس اللي يبسس الخليط نخلطها مزيان و بلا دليك بلا عداب كندير الخليط فالكوكوط نسد الكوكوط ونخليها على الأقل 24 ساعة و كلما زادت المدة كتجي أحسن ملي تدوز المدة كنحلو الكوكوط غنلاحظ أن العجينة رطابت نعملها فالقصعة تاني و نزيد عليها جنجلان و اللوز و كنخلط مزيان و في الأخير كنزيد الخميرة نخلطها مزيان و إلا كانت باقية كتفتت كندلكها غير شوية و نكورها بكل سهولة و ندخلها لفران مسخن و نشعل عليها غير من الفوق فالأول واحد 5 دقائق عاد نشعل من التحت و نخليه مشعول من فوق و هدا شكلها ملي خرجناها من الفران كتجي هشيشة و كتدوب فالفم أما المداق غنخليكم تكتشفوه. 

ملاحظة سر نجاح غريبة البهلة هو الدليك مزيان وما تكتريش ليها الزيت.

بالصحة والراحة.