شنيك بحال لكيتباع فالمخبزة

السلام عليكم

موقع لوامع يقدم لكم  : 

شنيك بحال لكيتباع فالمخبزة 

مقادير وطريقة تحضير شنيك بحال لكيتباع المخبزة بالصور

مقادير الشنيك :

نصف كيلو طحين فورص

4 معالق كبار سنيدة

1 فاني

1 بيضة

ربع معلقة صغيرة الملح

2 معالق كبار خميرة الخبز

2 معالق كبار الزبدة او (50 غرام)

1 خميرة الحلوى

قليل من الماء الدافىء

لتوراق العجين

200 غرام الزبدة مخلطة ب1 خميرة و1 فاني

للحشوة

كريم باتسيير

الفواكه المرقدة

اصفر البيض لدهن شنيك

طريقة تحضير شنيك بالصور :

كنخلطوا جميع مقادير وكنضيفو الماء شوية شوية حتى تتجمع لعجينة

 و ندلكوها مزيان 

تم نقسموها الى 6 كويرات متساوية 

كناخدوا كل كويرة و نبسطوها و نورقوها بخليط الزبدة مع الخميرة و الفاني

نشكلوهم بحال المسمنات حتى نكملو الكويرات 

الكويرات كلهم بعدما طوينهم 

تم نبسطوا المربعات و نديرو واحدة فوق واحدة و احنا كنديرو الزبدة حتى نكملوا المربعات كلهم و نكملوا خليط الزبدة خاص داك 200 غرام الزبدة كلها تدخل في العجين اثناء التوراق

نخليهم يرتاحوا شوية باش يسهال علينا نسرحوها تم نعملو الكريم باتسيير والفواكه المعسلة و نلويو المربع ديالنا 

تم ندخلوها الفريكو حتى تقساح لينا العجينة باش تجينا ساهلة في التقطاع من بعد نخرجوها و نقطعوها على شكل دوائر بالخيط تم نوضعوهم في لاطة مدهونة  ونخليوهم حتى يخمروا شي ساعة 

تم ندهنوهم باصفر البيض تم الى الفرن

من بعد كندهنهم بشوية العسل و نديرو عليهم شوية اللوز

هاهو الشنيك واجد كيجي رائع

وبالصحة والراحة