فقاص بالفواكه المعسلة بطريقة جديدة

السلام عليكم ورحمة الله وبركاته 

موقع لوامع يقدم: فقاص بالفواكه المعسلة بطريقة جديدة

مقادير وطريقة تحصير فقاص بالفواكه المعسلة بطريقة جديدة

مقادير فقاص بالفواكه المعسلة

250غ زبدة 

180 غ سكر كلاصي 

2 بيضات 

4 معالق كبار زيت

600 غ الدقيق تقريبا 

معلقه صغيره قرفه 

نصف معلقه صغيره زنجبيل 

نصف باكيه خميرة الحلوى

فواكه معسلة 

ممكن الديروالكركاع مهرمش والزبيب اواللوز و المشماش مقطع يعني كيبقى الاختيار لكم 

طريقة تحضير فقاص بالفواكه المعسلة

كنخلطو الزبدة والسكر كلاصي مزيان

ثم نزيدو الزيت و البيض و القرفه و سكنجبير

(ممكن تسنغناو عليهم و ديرو الفاني ) 

و الفواكه المعسلة نزيدو الدقيق و الخميره بالتدريج حتى تجمع العجينه 

واخا تحسو بها مطلوقه ماشي مشكل 

تفرقو العجينه على اربع و تشكلوها حريبلات ما تكونش غليظه 

و تلفوها كل حربول فالبلاستيك الغذائي و دخلوها للمجمد تقريبا نصف ساعه 

او اكثر 

ثم نخرجوها من المجمد و نمرمدو الحرييبلات في سكر سنيدة مخلط مع الفاني و نقطعو بالسكين دوائر و نحطوه في طاوة مباعدين شويه

ندخلوهم للفرن ساخن غير يولي اللون مذهب شويه نخرجوهم

وهاهو فقاص بالفواكه معسلة واجد

وبالصحة والراحة