شباكية كريوش مقرمشة ولذيذة

السلام عليكم ورحمة الله تعالى وبركاته
موقع لوامع يقترح عليكم :

شباكية كريوش مقرمشة ولذيذة

شباكية كريوش مقرمشة ولذيذة

من الاخت نجاة تادلة

مقادير شباكية كريوش :

500 غ دقيق مع شوية الملح

3 معالق كبار زنجلان محمر و مطحون

160 غ زبدة لينة

معلقة صغيرة خميرة معجونة

معلقة صغيرة سكر 

معلقة صغيرة خميرة الحلوة

نصف كأس ماء زهر

2 معالق كبار خل 

بيضة

ماء دافي

طريقة تحضير شباكية كريوش :

نضع في اناء الدقيق و الزنجلان و خميرة الحلوة و الزبدة

تنخدمهم بالأصابيع حتى تدخل الزبدة في الدقيق

ونضيف لهم البيضة و الخل و الخميرة دايبة في شوية الماء مع السكر

ونجمع العجينة بماء الزهر و ماء دافي حتى نحصل على عجينة متماسكة

نقسم العجين على 4 كويرات و نغطيها و نخليها ترتاح شوية 

نطلق العجين بالمدلك

و باش ما يضيع العجين في التقطاع نتني عليها و احد الجانب
كما هو مبين في الصورة

ثم الجانب الثاني و نطلقها مرة أخرى بالمدلك حتى نحصل على مستطيل مقاد

نقطعها مربعات وسط كل مربع 5 شرطات

تناخذ شريط و نخلي شريط يكون عندي 3 الأشرطة القدام و 3 في الخلف

تناخذ رأس و تندخلو من الوسط حتى يخرج من الجهة الأخرى

و تنحصل على شكل سلسلة

أو نقطع مربعات صغار تنعمل فيهم 6 الشرطات يكونو متقاربين و نقلب المربع على الظهر

و نجمع 2 الرؤوس المتقابلين نضغط عليهم مزيان باش متفكش في القلي

و تنحصل على هذا الشكل المشبك

فاش كملت العجين قليتهم في الزيت حتى تحمرو

و عملتهم في العسل من بعد عملتهم في شبكة يتسقطرو

رشيتهم بالزنجلان 

وهاهي شباكية كريوش ولا أروع واجدة

بالصحة والراحة