حلوة التريدة والطريقة بالصور

السلام عليكم ورحمة الله تعالى وبركاته

موقع لوامع يقترح عليكم :

حلوة التريدة والطريقة بالصور

حلوة التريدة والطريقة بالصور

مقادير حلوة التريدة 

500غ دقيق

80غ زبدة

2 فاني

1/2 ك ص ماء الزهر

قبصة ملح

زيت

عسل ( أنا استعملت عسل منسم بالفاني و ماء الزهر )

جنجلان محمر

لوز مقشر و محمر و مهرمش

طريقة تحضير حلوة التريدة

تنخلط الدقيق مع الفاني و الملح و الزبدة و ماء الزهر ثم تنضيف الماء الكافي للعجن تندلك العجين جيدا حتى نحصل على عجين لينة تكون مرخوفة قليلا كعجين التريد

أنا استعملت العجانة بالنسبة لي كتعجن بديها تجمع الخليط و تخليه قاسح شوية و توضعه في بلاستيك و تسد عليه و تغطيه و تخليه 2h أو أكثر كل مابقى كل ما كتسهل عملية الدليك ( هذه العملية يمكن ليكم تعملوها لعجين الرغايف أو الشفنج أو الخبز ............ كتسهل عملية الدليك غير الخميرة مكندروهاش في الأول حتى نبغيو ندلكها عاد كنضيف الخميرة بالنسبة للرغائف والشفنج والخبز ) من بعد تندلكوه و حنا كنضيفو ليه الماء حتى نحصلو على عجين لينة تكون مرخوفة قليلا كعجين التريد

نصنع من العجين كويرات متساوية الحجم تنذهنها بالزيت و تنغطيها ببلاستيك و نخليها ترتاح من بعد تنطلق كل كويرة بالزيت رقييييييقة بحال التريد و نطيبها في مقلات تقيلة مذهونة بالزيت غير نحطها و نقلبها دغيا مخصهاش تتحمر كتبقى بيضة بحال لي في الصور

مباشرة من كطيب كنغطيوها بمنديل باش متيبسش حتى كنساليو العجين لي عدنا

من بعد كنعملو تريدة فوق تريدة و كنلويوهم مرخوفين و نسدهم بخليط الدقيق مع الماء

من بعد كنشكلوهم 

الشكل الأول كنقطعو بمقص دوائر و تنقلبوهم كما في الصورة

الشكل الثاني تنقطعو بمقص على شكل مثلثاث مع مراعات منقسوش رأس مثلث بالمقص كما في الصورة

من بعد كنقليو هم في زيت سخون و نقطروهم و نعسلوهم

و نقطروهم من العسل و نزينو الشكل الأول بالزنجلان و الشكل الثاني باللوز و نعملوهم في كويغطات ديال الحلوة 

وهذا الشكل النهائي ل حلوة التريدة

بالصحة والراحة