كيكة زويينة بلا زيت بلا خمارة

السلام عليكم ورحمة الله تعالى وبركاته 

موقع لوامع يقترح عليكم : 

كيكة زويينة بلا زيت بلا خمارة 

كيكة زويينة بلا زيت بلا خمارة 

مقادير الكيكة

220 غرام سكر سنيدة

5 بيضات

150 غرام دقيق

4 معالق كبار حليب

عصير حامضة وقشورها محكوكين

طريقة تحضير الكيكة

اول حاجة كانفرقو الصفر والبيض د البيض

الصفر د البيض كنزيدو عليه سنيدة ونطربوه تايولي الخليط بحال الكريم تنزيدو عليه الحليب وعصير حامضة وقشورها محكوكين مع التخلاط تايتجانسو وكنضيفو الدقيق

البيض د البيض كنزيدو عليه قريصة د الملح ونطربو تايولي بحال الثلج

كنجمعو الخليطين بملعقة خشبية ونحركو بشوية ومن الفوق للتحت تايندامجو مع بعضهم

كنديرهم في المول من الاحسن يكون المول المستطيل وندخلهم يطيبو في الفران لي يكون مسخن من قبل على 150 درجة مدة ساعة

ملي طيب الكيكة نسقيوها بصوص الحامض 

5 ملاعق كبار عصير الليمون و5 ملاعق كبار عصير الحامض 

قشرة حامضة

5 ملاعق سنيدة

3 ملاعق كبار نيدو

ملعقة صغيرة د النشا مايزينا

هاد المقادير كاملا كانديرها في كاسرونة فوق العافية ونبقا نحرك تاتبدا تعقاد ونطفي عليها تاتبرد شويا عاد نسقي بيها الكيك

شوفو كيف كاتجي هاد الكيكة مقطنة من الداخل

بالصحة والراحة