السلام عليكم ورحمة الله تعالى وبركاته
موقع لوامع يقترح عليكم :
ميني كيش بالكريما سهل و بنين بالخطوات المصورة
ميني كيش بالكريما سهل و بنين بالخطوات المصورة
ميني كيش بالكريما سهل و بنين
مقادير و طريقة تحضير العجين :
200غ دقيق.
80غ زبدة بحرارة المطبخ.
ملعقة.ص ملح.
ملعقة ص سكر.
كأس إلا ربع ماء (العنبة).
ناخد كأس الماء و نضيفلو السكر و الملح و نحرك حتى يدوبو.
نبسـس الدقيق بالزبدة.
نضيف الماء للدقيق و نجمع العجينة بصباعي بلا دليك، نخليها خفيفة شوية.
نحتفظ بالعجين فالثلاجة لمدة ساعة على الأقل.
طريقة تحضير الحشوة :
ناخد 2 بصلات و نقطعهم مربعات صغيرة.
مع قليل من الزيت نديرهم فالمقله و نرش عليهم الملح.
نسد على المقلة و نخلي البصلة طيب فوق نار مهيلة.
مين نشوف البصلة بدا يدخلها الطياب و هبطت نزيد عليها خيزو محكوكة.
نسد و نخليهم يطيبو فوق نار مهيلة.
نزيد شوية معدنوس مقطع + ملح + بزار + كمون و نخلط كلشي.
مقادير الكفتة :
كفتة + رشة ملح + كمون + رشة بزار + معلقة صغيرة قسبر مطحون + شوية معدنوس مقطع.
نديرها الطيب.
نجهد للنار و نبقا نحرك و نفتت فالكفتة طريفات صغار... نبقا مقابلاها حتى نشوفها طابت.
مين طيب الكفتة و تنشف المقلة من الما لي فيها، نزيد القشدة و نطفي النار و نحرك.
الحشوة وجدت، ندوز دابا لتحضير العجين.
نخرج العجينة من الثلاجة و نحاول نقسمها بالتساوي.
ناخد القليل من الماء ندهن به يديا باش نتحكم أكتر فالعجينة.
نشكلها فالمول و ندخلها طيب نص طياب.
نخرجها من الفران و نعمرها بخليط الكفتة و الكريما...
رشيت عليها البارمتجانو محكوك (أو أي فرماج محكوك يكون حمضي).
نرجعهم للفران يكملو طيابهم.
زينتهم بجبنة الموتزاريلا محكوكة. و دخلتهم لفران مطفي و سخون.
ها هو الميني كيش ديالنا وجد بفضل الله.
و بنفس المكونات يمكن ليكم توجدو كيش كبير.
وبالصحة والراحة
Aucun commentaire:
Enregistrer un commentaire