مرحبا بالحبائب
موقع لوامع يقترح :
غريبة بالكراميل بالصور
حلويات مغربية غريبة بالكراميل
طريقة تحضير غريبة بالكراميل بالصور
مقادير الغريبة بالكراميل
2 بيضات
رابعة مارغرين
1 خمارة حمراء
1فاني
كاس عنبة زيت
200 غ سكر كلاصي ما يعادل زلافة صغيرة
الدقيق تقريبا نصف كيلو وشوية المهم على حسب الخليط
علبة نستلي طايب فكوكوت 45 دقيقة حتى كيولى كراميل
طريقة تحضير غريبة بالكراميل بالصور
كنخلطو الماركرين وتكون بحرارة الكوزينة مع سكر كلاصي مزيان حتى تولى بحال البومادا ونضيفو البيض والفاني ونخلطو مزيان حتى يندامج البيض مع الخليط ثم نزيدو الزيت واحنا كنحركو
من بعد كنزيدو الدقيق والخمارة
حتى كنحصلو على عجينة رطبة ما قاصحة
نقطعو العجينة كوريرات صغار
ونبسطوهم ونديرو وسط منهم راس معلقة كراميل او على حسب كبر الكورة اللى درتي
ونجمعوها ونكوروها من جديد ونبسطوها بشوية ونستفوهم فلاطة مدهونة او مفرشة بكاغط الزبدة
نكونو شاعلين الفران وفاش يسخن ندخلو الطاوة لتحت و العافية تكون على وجه الغريبة
ونقصو عليها مزيان باش تفرشخ
ومن بعدما نشوفوها صفارت وتشققات و نطلعوها تكمل الطياب الفوق
ومن بعدما نخرجوها نخليوها تبرد ونمرمدوها فالسكر كلاصي
ونقدمو الغريبة بالكراميل
Aucun commentaire:
Enregistrer un commentaire