مرحبا بالحبائب
موقع لوامع يقدم لكم: بسيطلات بالدجاج بنينة بالصور
لعشاق البسطيلة و خصوصا بسيطلات الدجاج .اقترح عليكم اليوم وصفة رائعة لإعداد بسيطلات بالدجاج بنينة . و كالعادة الوصفة و طريقة التحضير بالتفاصيل و الصور لمختلف الخطوات .
مقادير بسيطلات بالدجاج
الدجاج
الملح+ ابزار + سكنجبير +القرفة عواد +الزعفران + الخرقوم
+السمن
البصلة والمعدنوس مقطع
ربع كاس الزيت
طريقة التحضير
كنشحرو الدجاج فالزيت مع شوية البصلة والملح فالكوكوط ثم كنضيفو باقي البهارات مع المعدنوس ونخليوها تشحر مزيان
ونزيدو ليها كاس صغير الماء
ونقفلو الكوكوط ويطيب على عافية مهيلة
من بعد ماطاب كنحيد الدجاج و كنزيد العسل الحر ايلا ماعندكش ديري السكر
وخليه حتا يتشحر مزيان
وبعد ماتعسلت البصلة مزيان بحال هاكا
كنفرتت الدجاج كنزيدو
ينسجم مع البصلة فالكوكوط
ومن بعد نصفي الخليط انديروه فالكسكاس ونخليوه حتا يطلق لمرقة اللي بقات باش ماتفزكش لينا الورقة
دابا كندوزو للوز بعدما تقشر وتقلى وقطعتو بالقطاعة ديال الربيع باش يبقا مهرمش كنزيد عليه الزا زهر ومعلقة لعسل كيجي المداق رائع احسن من القرفة
انا درتهم بسيطلات صغار تقدرو تديروها كبيرة
تنديرهم فزلافة باش ايجيوني مقادين نفرش ورقة ونحط اللوز تم الحشوة ونجمعها ونقلبها ونزيد ليها ورقة اخرى من الفوق
ملاحضة ايلا كنتو غادي تديروها كبيرة وتطيب فنفس المول كندير الخليط هو الاول عاد نزيد اللوز باش مايتحرقش ليكم
ومن بعد ماطابت انحطها فوق الورق باش تنشف من الزيت والزبدة
ونقدمها مزينة بالعسل واللوز
كنتمنى تعجبكم بالصحة و العافية .
Aucun commentaire:
Enregistrer un commentaire