بيتزا رائعة بلا فران سهلة بالصور

السلام عليكم ورحمة الله تعالى وبركاته

موقع لوامع يقدم لكم بالصور :

بيتزا رائعة بلا فران سهلة بالصور

بيتزا رائعة بلا فران سهلة بالصور

من الاخت هيام جزاها الله كل خير

بيتزا رائعة بلا فران 

مقادير بيتزا رائعة بلا فران

هاد المقادير كيعطيو 2 من قياس البيتزا اللي تشوفو فالاخير يعني تقدرو ديرو غير نصف المقادير

3 زلايف دقيق

2 م ك نيدو

1 م ك خمارة الحلوى

4 فروماج ( لفاش كيري)

ملح و ابزار

ربع كاس زيت زيتون

ماء 

للحشوة

صلصة البيتزا

موتزاريلا

فرماج احمر

زعتر

فلفلة خضراء

ممكن طون او كفتة او فواكه البحر...

طريقة تحضير بيتزا رائعة بلا فران

نخلطو الطحين + نيدو + خمارة + ملح و ابزار نزيدو لافاش كيري ونخلطو ونجمعو الكل بالماء و في الاخير نزيدو زيت الزيتون و ندلكوها مزيااااان ونخليوها ترتاح

وفهاد الوقت نوجدو الحشوة

هنا من بعد مارتاحت العجينة

نطلقوها و نثقبوها بالفورشيط

ناخذ المقلة اللي نكونو مسخنينها من قبل وندهنوها بشوييييية زيت الزيتون ونطلقو العجينة عليها و العافية تكون متوسطة ، نقدرو نقلبوها يلا بغينا مي واخا منقلبوهاش راها كطيب من جميع الجوانب

منين طيب نطفيو عليها وندهنوها بصلصة البيتزا موتزاريلا محكوك ونزيدو الطون و الفلفلة خضرا مقطعة رقييييقة و من الفوق موتزاريلا مخلط مع فرماج احمر

نشعلو على المقلة مرة أخرى ونغطيوها من الفوق ونخليوها غير يذوب الفرماج و تكون واجدة وماكاتاخدش الوقت بزاف

وهاهي بيتزا رائعة بلا فران واجدة

بالصحة والراحة