السلام عليكم ورحمة الله تعالى وبركاته
موقع لوامع يقترح عليكم :
طريقة تحضير لحم للافراح والمناسبات بالصور
طريقة تحضير لحم للافراح والمناسبات بالصور
للاخت ريم جزاها الله عنا كل خير
مقادير لتحضير لحم للافراح و المناسبات بالصور:
3 كلغ لحم غنمي او بقري
بصلة كبيرة
قليل ربيع (معدنوس اكثر من القزبور)
6 فصوص ثوم
كاس ص ماء
البرقوق
رقائق اللوز محمرين
توابل اللحم
ملح + ابزار+ سكين جبير + خرقوم بلدي + زعفران حر + سمن م ص + 2عواد قرفة + ضامة الزعفران اختياري + م ص مروزية اللحم لتوفرات او** غير بسيبيسة وقعقلة القليل منها **+ كاس ص زيت المائدة
طريقة تحضير لحم للافراح و المناسبات بالصور:
كناخدو البصلة ونقسموها على 2 نصف كبير والاخر صغير
ناخد نصف البصلة الصغير + الربيع منكتروش + الثوم + الماء الكاس ونطحنو كلشي في الميكسور
ونصبو الخليط في طنجرة وكنضيفو التوابل والزيت ونشرملو اللحم مزيان
وكنعملوهم يتشحرو شوية ونضيفو نصف البصلة الكبير مقطع رقيقة ونخليو الكل يتشحر حتى دوب البصلة ونمرقو ونخليوه يطيب على نار مهيلة منين تبدى تغلي
ومنين يطيب 3/4 طياب تنضيفلو قطعة صغيرة من السكر ما يعادل م ص ونخليوه حتى يوقف ونقدموه حسب الرغبة
طريقة تجضير برقوق اللحم للافراح
نغسلو البرقوق ونوضعوه في كوكوط او طنجرة عادية + الماء + قبصة ملح +عود قرفة + قبصة سكين اجبيبر
ويترك حتى يطيب ويتعسل بالسكر + قرفة مطحونة + م ك مربى مشمش او برتقال +م ك ماء الزهر + م ك زبدة + م ك عسل حر اختياري
ويقدم مع اللحم ورقائق اللوز وبالصحة والراحة
Aucun commentaire:
Enregistrer un commentaire