سباكيتي بمداق البيتزا بالصور

السلام عليكم ورحمة الله

موقع لوامع يقدم :

سباكيتي بمداق البيتزا بالصور

سباكيتي بمداق البيتزا بالصور

من الاخت لطيفة جزاها الله عنا كل خير

مقادير سباكيتي بمداق البيتزا 

باكية سباكيتي الحجم لي حبيتي المهم ما تتعدايش سمك لكراتان 2 او 2.5 

صوص بيتزا 

2 بصلات مشلظين رقاااق و2 فصوص ثومة

2 طماطم مقطعين 

ملعقة كبير ة طماطم ديال الحك 

كاس ماء متوسط 

ملح+ كمون+زعتر 

طون+فلفلة مشحرة شوية +زيتون مقطع 

طر يقة تحضير سباكيتي بمداق البيتزا

بالنسبة للصوص 

نشحرو البصلة مع شوية الزيت 

ملي تشحر شوية نضيفو الطماطم مقطعة وفصوص الثوم 

ثم الطماطم ديال الحك مخلطة مع اللوازم لي هي ماء وملح وشويش كمون 

نخلطو كلشي ونقادوها ونخليوها جانبا تبرد شوية 

ونزيدو الزعتر مطحون

ملي نخليوها تبرد في هاد الاثناء نصلقو سباكيتي ونصفيوها

من بعد نخلطو 2 معالق مايونيز و2 معالق كريم فريش و2 فرماجات 

ونضيفوهم على سباكيتي ونحطو الخليط في المول باش نبداو التزيين

نحطو فوقها اولا الصوص لي وجدنا 

ثم نفرتتو عليها الطون 

ونزينوها بالفلفة مشحرة شوية والزيتون مقطع والفرماج محكوك

ثم ندخلو المول لفران يطيب

وهاهي سباكيتي رائعة بمداق البيتزا واجدة

وبالصحة والراحة