تبريمات صحراوية للجسم لكل عروس

السلام عليكم 

موقع لوامع يقدم : تبريمات صحراوية للجسم لكل عروس

 تبريمات صحراوية يقدمها موقع لوامع لكل عروس

تبريمة الصحراوية كتفتح لون الجسم والبياظ تيبقا وكنتمنا تجربوها زوينة بزاف والعروسة الصحراوية هيا الى تدير اسبوع قبال العرس الوصفات

 فيها انواع وكل وحدة والمكونات لى فيها ولكن النتيجة وحدة.

                                     
                                    التبريمة الاولى:

معلقة كبيرة الروز مطحون بحال الطحين

معلقة كبيرة دقيق الزرع

1 فرمجة  + واحد جرفى

عصير الحامظ

معلقة كبيرة نيدو

2 معالق ديال الديكاباج الى بغيتى تزيديه

الى متجمعش ليك الخليط زيدى شوية ديال ماء الورد ويكون تقيل شوية ماشى سائل.

الطريقة :كدهنى الجسم ديالك وغير انشف منخليهش اقساح نبرموه وهادا هو السر يعنى كتحكيه بكيس ناشف طريقة الكوماج ومنبعد ممكن تغسلى وتبعيها حتا تبان النتيجة ومن المرة الاولى تيبان الفرق. وملى تغسلى وتنشفى دهنى بزين اللوز وزيت جنسون.

التبريمة التانية:

2 فرماجات

3 معالق كبار نيدو

عصير واحد حامظة

معلقة كبيرة خميرة العجين ممكن تزيدى صفار بيظة .

كتخلطى كلشى مزيان ودهنى بيهم الجسم وتسناى حتا انشف وتبدار تبرمى وغادى ابان ليك الفرق وممكن دوشى منبعد.

التبريمة الثالتة:
 3 معالق الروز مطحون
2معالق دقيق الزرع
2معالق الديكاباج نمرة 6
فرماجة + جرفى
نص كاس دانون مسوس
2 معالق نيدو وكتخلطى كلشى وكدهنى بيه الجسم وتلبسى شى بيجامة ديال الدار وباتى بيها حتا الغد وغسلى وتبعيها 3 يام وغيبان الفرق.

التبريمة الاخيرة:
 والى كنعتبرها الافظل حيت كتعطى نتيجة زوينة فيها
2 صفار بيض بلدى +2 فرماجات +كاس صغير نيدو + كاس صغير دقيق الزرع الى بغيتى غتزيدى الديكاباج ودهنى جسمك كامل ونبداو

نبرمو بيدينا وكيبان الفرق والبياظ كيدوم وبصحة واى سوال انا رهن الاشارة.