طورطة باردة ورائعة بالحامض بالصور

السلام عليكم ورحمة الله تعالى وبركاته

موقع لوامع يقترح عليكم :

طورطة باردة ورائعة بالحامض بالصور

طورطة باردة ورائعة بالحامض بالصور

مقادير طورطة باردة ورائعة بالحامض

بالنسبة للطبقة الاولى

200 غ البسكوي

80 غ الزبدة مذوبة

الطبقة الثانية 

حامضة

2 بياض البيض

200 مل القشدة الطرية

50 مل ديال الماء

60 غ السكر

4 اوراق الجيلاتين

الطبقة الثالثة

عصير حامضة 

3 م ك ديال سنيدة

2 اوراق الجيلاتين

نقيطات من الملون الاصفر

طريقة تحضير طورطة باردة ورائعة بالحامض

تنطحنو البسكوي و تنخلطوه مع الزبدة و الى كان العجين ناشف ومتجمع نزيدو نقيطات ديال الحليب ما تكتروش وناخد المول لي كيتفتح منجناب و نديرو فيه الخليط و تنسرحوه بمساعدة معيلقة او سباتول و ديري المول فثلاجة بينما حضرتي موس الحامض

تنحكو قشرة الحامضة و من بعد نعصروها

تنديرو وريقات الجيلاتين يترطبو فالما عادي و ناخدو كسرونة تنديرو فيها الماء مع السكر حتى يسخنو مزيان تنزولوه من فوق البوطة و تنزيد عليه الجيلاتين ملي يذوبو ثم تنزيدو عليهم قشرة الحامض و العصير المتبقي و نخليهم على جنب يبردو بينما نحضرو لكريم شونتييه

بالنسبة لشونتييه تناخدو لكريم فريش تكون باردة مزيان و تنطربها حتى تولي كريم شونتييه من بعد تنزيدو عليها خليط الحامض مع الجيلاتين و نخلطهم حتى تندمج العناصر

اما بياض البيض تنضربوه حتى يولي عامل فحال الثلج و نزيده على الشونتييه لي خلطنها مع الحامض و الجيلاتين

تنخلطو كلشي بالضراب غير شوية ماشي بزاف

تنخرجو المول من الثلاجة و نضيف عليه الخليط وتنرجعوه لثلاجة مدة 3 ساعات على الاقل المهم حتى يتجمد مزيان غير فالثلاجة الفوق ماشي فالمجمد

هدي من بعد ما تجمدات و شدات راسها

تنرطبو 2 وريقات الجيلاتين فالماء و فكسرونة نديرو عصير حامضة مع السكر و نديرهم فوق البوطة على نار مهيلة حتى يذوب السكر الى ما كانش في الحامضة الماء بزاف ممكن نزيدو شويش ديال الماء من بعد ما تذوب سنيدة تنزولوه من فوق البوطة و تنزيدو عليه الجيلاتين و نقيطات من الملون الاصفر و تنخليه حتى يبرد عاد تنزيدوه على الموس و ندخلوه لثلاجة مرة اخرى على الاقل 4 ساعات و مثلا الى صوبتيها اليوم و خليتيها حتى الغد غدي تكون النتيجة افضل و زينيها باش ما بغيتي

هاهي طورطة باردة ورائعة بالحامض واجدة

بالصحة والراحة