السلام عليكم ورحمة الله تعالى وبركاته
موقع لوامع يقترح عليكم : حلويات اللوز رائعة بالصور
حلويات اللوز رائعة بالصور
مقادير وطريقة تحضير حلويات اللوز
مقادير حلويات اللوز
نصف كيلو فورص
كاس دالعنبة زبدة
نصف كأس ماء الزهر
ملح
ملعقة صغيرة سكر كلاصي
صفر بيضة
ويلا ما تجمعاتش لينا العجينة كنزيدو ماء الزهر
الحشوة
كيلو لوز مسلوق ومقشر ومطحون
300 غ سكر كلاصي
ملعقة صغيرة عصير الحامض
بيضة
قشرة الحامض حسب الذوق(الاما كنتيش غادي ديري منكهات)
ماء الزهر باش نجمعو الحشوة
طريقة تحضير حلويات اللوز
الحلوة الاولى
قسمت العجينة على ثلاتة لي كثيرة خليتها بيضاء ووحدة زدت ليها الملون الأخضر بنكهة التفاح والثالثة الملون الأحمر بنكهة الفريز
بالنسبة للشكل الأول ديال الحلوة
طلقت العجينة وقطعتها بقطاعة على شكل ورقة دالشجرة وكذلك عقدة اللوز
والعجينة الخضراء طلقتها حتى هي وقطعتها على شكل طولي بالماكينة ديال سباكيتي
درت ظفيرة طويلة عاد بديت نخدم بيها ومنين كيسالي ليا شريط ديال العجينة كنلصق ليه شريط آخر
كندهنو العجينة بابيض البيض عاد كنديرو عليها عقدة اللوز وكنلوي عليها الظفيرة
درت على العقدة وريدات صغار بالعجينة الحمراء وكندير على كل وردة عقيقة ثم درتها طيب
منين كتخرج من الفرن دهنتها بالناباج وهذا الشكل النهائي
الحلوة الثانية
كنطلق العجينة البيضاء وقطعتها بقطاعة دائرية
دهنتها بابيض البيض ودرت عليها 3 كوارات من عقدة اللوز
حاولت نجمع الجناب لي حدا الكوارات ومابين كل 2 كوارات كندخلو العجينة بعود الأسنان
على كل كويرة درت وريقة خضراء (من الأحسن يكونو كبار شوية على كويرات اللوز أنا عندي غي هادي صغيرة )
ثم من الفوق درت وردة بالعجينة الحمراء
ثم وريدة باللون الأصفر وعقيقة
كنديروها طيب
ثم كندهنها بالناباج وهذا الشكل النهائي
هاهما حلويات اللوز واجدين
Aucun commentaire:
Enregistrer un commentaire