السلام عليكم
موقع لوامع يقدم :
ساندويتشات خفاف ولذاذ للعشاء
ساندويتشات خفاف ولذاذ للعشاء
ساندويتش شكل جديد وراقي
مقادير ساندويشات خفاف للعشاء
300 دقيق
معلقة صغيرة سكر
نصف معلقة صغيرة خميرة معجونة
شوية الملحة
ماء دافي
طريقة تحضير ساندويشات خفاف للعشاء
تنحضرو العجين ونخليوه يرتاح 15 دقيقة
تنعملو منو كويرات وتنطلق كل كرة بالمدلك تبقى شوية غليظة
تنطيبهم في المقلة لي غادي نعملو فيها الأمليت
لي طابت تنغطيوها بمنديل حتى نكملوهم و تنقسمهم من الوسط على 2
مقادير للأمليط الأول:
2 بيضات
معلقة كبيرة حليب
ملح و ابزار
وجبن محكوك استعملنا موتزريلا
طريقة تحضير السندويتش الاول:
تنوضعو شوية الزيت في المقلة و تنفرغو فيه البيض مخلط مع الحليب و الملح و الابزار
لما تيتماسك البيض تنوضعو عليه الجبن
ثم نصف الرغيفة
ثم تنقلبها تيصبح الرغيف في الأسفل
تنعملو مرة أخرى الفرماج محكوك
وتنغطوه بنصف الرغيفة الثاني
وتنعاودو نقلبها باش يدوب الجبن لي فوق لما تيدوب الجبن تيلصق الرغيف مع الأمليط تيجي على شكل فطيرة
مقادير للأمليط الثاني :
2 بيضات
معلقة كبيرة حليب
ملح ابزار
شوية الكفتة
بصلة مشلظة
شومبينيون معلب
معدنوس
صلصة حارة
جبن محكوك
طريقة تحضير السندويتش الثاني:
تنوضعو شوية الزيت تشحر فيه البصلة ثم الكفتة و في الأخير تنضفو المعدنوس و الشومبنيون و ملح و ابزار
وتنفرغو عليهم البيض مخلط مع الحليب و ملح وابزار ومن فوق منهم شوية الصلصة حارة
لما تيتماسك الأمليط تنضفو عليه الجبن محكوك
ثم تنغطيوه بنصف رغيفة
تنقلبها تيصبح الرغيف في الأسفل
ثم الجبن محكوك
و تنغطو بنصف الرغيفة الثاني
وتنعاودو نقلبها مرة أخرى باش يدوب الجبن لي فوق و الى بغينا الرغيفة تجي محمرة تندهنها بشوية الزبدة قبل ما نقلبوها
مقادير الأمليط الثالث
2 بيضات
معلقة حليب
ملح و ابزار
بصلة مشلظة
شوية كفتة
معدنوس
جبن محكوك
طريقة تحضير السندويتش الثالث:
تنشحرو البصلة في الزيت وتنضفو لها الكفتة و الملح و الابزار و المعدنوس و الباقي بنفس الطريقة
وهاهما السندويتشات خفاف للعشاء
يمكن لنا نقدمو لكل شخص وا حدة على دوقو أو نقسمهم على 2 أو حتى على
وبالصحة والراحة
