السلام عليكم ورحمة الله تعالى وبركاته
موقع لوامع يقترح عليكم :
رغايف معمرين بالتفاح غاية في الروعة بالخطوات المصورة
رغايف معمرين بالتفاح غاية في الروعة بالخطوات المصورة
مقادير رغايف معمرين بالتفاح
مقادير العجينة
كيلو دقيق
80 غ سكر
80 غ زبدة رطبة
فاني
خميرة خبز
ملح
600 مل ماء دافئ
مقادير حشوة
3 تفاحات
40 غ سكر بني او عادي
شوية زبدة
شوية زبيب
شوية قرفة
فاني
حامضة
للتزيين
رقائق اللوز
سكر كلاصي
مربى فريز
صفار بيضة مع شوية حليب
للتوراق
زبدة مدابة + زيت
طريقة تحضير رغايف معمرين بالتفاح بالصور
تنقشرو التفاح و تنقطعوه على شكل دوائر و تنعصرو عليه الحامض
نذوبو الزبدة في مقلاة و تنديرو التفاح من بعد ما قطرناه من عصير الحامض
نزدو عليه سكر والقرفة و سكر الفاني و الزبيب مرطب من قبل في ماء طايب خاصنا نطيبو التفاح غير نص طيبة باش يبقى شاد في راسو و نخليوه يبرد و تنطيبو حتى طريفات لي شاطو لينا من التفاح
بالنسبة للعجينة تنعجنوها كيبحال عجينة رغايف يعني بطريقة عادية وتنخليوها تخمار ثم نكوروها ونخليوها شوية ترتاح عاد تنطلقوها و نعملوها على شكل رغيفة ثم نعملو التفاح في الوسط كماهو موضح بالصور
بالنسبة لطريفات تفاح لبقاو لينا تنطويو العجين بحال بتي بان ونعمروه بيهم وتنخليوهم يخمارو
ثم ندهنوهم بالبيض و نرشوهم برقائق اللوز و من بعد ما يطيبو و يبردو نزينوهم بالسكر كلاصي والمربى
وهاهوما الرغايف معمرين بالتفاح واجدين وبالصحة والراحة
