السلام عليكم ورحمة الله تعالى وبركاته
موقع لوامع نسائية يقدم لكم
ديسير بارد ومنعش
المقادير
نص لتر حليب + 2 معالق كبار مايزينا + 2 معالق كبار سنيدة + 2 خنيشات فانيلا
نص لتر عصير برتقال + 2 معالق كبار مايزينا + 2 معالق كبار سنيدة
حبات من الفاكهة حسب الرغبة نقطعوهم صغار
الطريقة
كنديرو الحليب فوق النار كنزيدوعليه السكروالفانيلا و نحركوه مزيان، كناخدو كاس نديرو فيه مايزينا و شوية من الحليب ولا الما، نخلطو مزيان و نزيدوه على الحليب و نحركوه بالطراب بدون توقف باش ما يتكورش و ما يلصقش لينا. و تكون العافية مهيلة. حتى يقبط الخليط و يولي على شكل كريم. نخلوه يبرد و نخلطو معاه حبات ديال الفواكه مقطعين صغار يمكن تستعملي الفاكة لي بغتي انا تندير البنان مع التفاح
و تعمري بيه الكويسات حتى للنص و تحطيه فالثلاجة.
كتاخدي عصير البرتقال كتستخدمي نفس الطريقة ولكن أنا ماتندير ليه طريفات دالفاكهة. كتخرجي الكويسات من الثلاجة، خاص يكون الحليب عاقد باش مايتخلطوش لينا. و نزلو الخليط بشوية.
من بعد كنزينوه إلا بغينا بالكوك أو الشعرية دالشكلاط….أنت أو ذوقك
ترجعيه للثلاجة حتى يبرد و بالصحة و الراحة ديسير منعش خصوصا فهاد الحرارة.
